میرپور (اے پی پی) جنوبی افریقہ نے بنگلہ دیش ویمن کرکٹ ٹیم کو دوسرے ایک روزہ میچ میں 4 وکٹوں سے شکست دے کر تین میچوں کی سیریز 1-1 سے برابر کر لی، فاتح ٹیم نے 180 رنز کا ہدف آخری اوور میں 6 وکٹوں کے نقصان پر پورا کر لیا۔ ڈینی وان نائیکرک 45 رنز بنا کر ناٹ آﺅٹ رہیں اور میچ کی بہترین کھلاڑی کی حقدار ٹھہریں۔ جمعہ کو شیر بنگلہ سٹیڈیم، میرپور میں کھیلے گئے سیریز کے دوسرے ایک روزہ میچ میں میزبان ٹیم نے پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 179 رنز بنائے۔ جنوبی افریقہ نے آخر دم تک ہمت نہ ہاری اور مطلوبہ ہدف 49.2 اوورز میں 6 وکٹوں کے نقصان پر حاصل کر لیا۔