کراچی میں فائرنگ اور تشدد کے واقعات میں مزید پانچ افراد اپنی جان سے ہاتھ دھوبیٹھے

کراچی میں خونریزی کے واقعات تسلسل کے ساتھ جاری ہیں حیدری کے علاقے میں مسلح افراد نے فائرنگ کرکے شفیق نامی شخص کو قتل کردیا جس کی لاش عباسی شہید اسپتال منتقل کی گئی۔ نارتھ کراچی کے قریب فائرنگ سے ایک شخص جاں بحق ہوگیا۔ نانک واڑہ کے علاقے میں مسلح موٹر سائیکل سواروں نے دکان پر فائرنگ کردی جس کے نتیجے میں ایک شخص ہلا ک ہوگیا ادھر پرانا گولیمار کشمیری امام بارگاہ کے نزدیک سے ایک شخص کی ہاتھ پاوں بندھی اورتشدد زدہ لاش ملی ہے۔ منگھوپیر سے بھی ایک شخص کی لاش برآمد کرلی گئی۔