لاہور (کلچرل رپورٹر) گلوکارہ ندا ارتضیٰ نے نجی چینل پر دکھائی جانے والی ڈرامہ سیریل ”دلدل“ کا ٹائٹل سانگ گایا ہے جو ناظرین بہت پسند کر رہے ہیں۔ ندا ارتضیٰ نے بتایا کہ اس ڈرامے کی تین قسطیں آن ایئر چلی گئی ہیں۔ ڈرامے کی رائٹر قیصرہ حیات ہیں۔ ڈائریکٹر سراج الحق اور پروڈیوسر مومنہ درید ہیں۔ کاسٹ میں احسن طالش‘ فضیلہ قاضی‘ عابد علی‘ ارمینا رانا‘ زاہد احمد‘ منیب بٹ شامل ہیں۔ گلوکارہ ندا ارتضیٰ نے بتایا ہے کہ ڈرامے میں ان لوگوں کے مسائل زیربحث لائے گئے ہیں جو غیرقانونی طریقے سے بیرون ملک جاتے ہیں۔ یہ ڈرامہ اقوام متحدہ کیلئے بنایا گیا ہے۔