یوم دفاع کے موقع پر کھیلا جانے والا ہاکی میچ پنڈی وائیٹ نے 5-4گول سے میچ جیت لیا

راولپنڈی (نیوزرپورٹر) یوم دفاع پاکستان کو شایان شان طریقے سے منانے کے لئے سپورٹس ڈیپارٹمنٹ راولپنڈی نے شہناز شیخ ہاکی سٹیڈیم میں نمائشی ہاکی میچ پنڈی کلر اور پنڈی وائیٹ کے مابین کھیلا گیا - مقررہ وقت تک دونوں ٹیموں نے تین تین گول کئے- پینلٹی کک پر پنڈی وائیٹ نے چار کے مقابلے میں پانچ گول سے میچ جیت لیا- پنڈی وائیٹ کے گول کیپر حمزہ نے شاندار کھیل کا مظاہرہ کیا- جبکہ عاشر عباسی اور عمر نے بھی بہترین کھیل کا مظاہرہ کیا- پنڈی کلر کی جانب سے شاہ زیب اور احسان الحق نے بہترین کھیل کا مظاہرہ کیا- آخر میں ڈی ایس او عبدالوحید بابر کے ہمراہ مہمان خصوصی راجہ معین نے انعامات تقسیم کئے --انعامی تقریب کے بعد شہداء کے لئے دعا کی گئی -