وولٹا سائیکل ریس :بارہواں مرحلہ الیگزینڈر نے جیت لیا

ملتان (سپورٹس دیسک)سپین میں جاری وولٹا سائیکل ریس کا بارہواں مرحلہ فرانس کے سائیکلسٹ الیگزینڈر نے جیت لیا، ایونٹ میں میزبان ملک کے ہیراڈا کو مجموعی برتری مل گئی ہے۔وولٹا سائیکل ریس میں دلچسپ مقابلے جاری ہیں، بارہویں سٹیج میں سائیکل سواروں نے زبردست کارکردگی دکھائی، سب نے ایک دوسرے پر برتری کیلئے خوب محنت کی، فرانس کے الیگزینڈر نے ساتھی سائیکل سواروں کو آگے نکلنے کا موقع نہ دیا۔انہوں نے مقررہ فاصلہ کم ترین وقت میں طے کر کے بارہواں راؤنڈ اپنے نام کیا، ایونٹ میں سپین کے ہیراڈا نے مجموعی برتری حاصل کر لی ہے۔