ملتان(سپورٹس ڈیسک)سابق برطانوی فٹبالر ڈیوڈ بیکہم نے امریکی فٹبال لیگ ایم ایل ایس میں اپنی ٹیم کے کلب کا نام انٹرنیشل ڈی فٹبال میامی فائنل کرلیا ہے۔ مانچسٹر، رئیل میڈرڈ، پیرس جرمین اور اے سی میلان سے کھیلنے والے کھلاڑی معروف ڈیوڈ بیکہم نے یوایس کی اہم فٹبال لیگ میں اپنی ٹیم مختصر نام انٹر میامی متعارف کرادیا ہے ، ان کی ٹیم 2020 سے کھیل کا اغاز کرے گی۔اپنی ٹیم متعارف کروانے پر ڈیوڈ بیکہم کا کہنا تھا کہ یہ میرے اور میری ٹیم کے لیے بہت خوشی کی بات ہے اور میں اپنی ٹیم پر فخر کرتا ہوں۔اس موقع پر ٹیم کے انتظامی مالک جیورج ماس کا کہنا تھا کہ ہماری کوشش ہوگی کہ ہمارا کلب مشہور ہو۔