بحری معرکوں میں پاک بحریہ کی آبدوز ہنگور کا کارنامہ ہمارے دشمنوں کو کبھی نہ بھولے گا: پاک بحریہ

بحری معرکوں میں پاک بحریہ کی آبدوز ہنگور کا کارنامہ ہمارے دشمنوں کو کبھی نہ بھولے گا۔ترجمان پاک بحریہ کے مطابق  پاک بحریہ کی آبدوز ہنگور نے بھارتی بحریہ کے جنگی جہاز کُکری کو غرقاب کیا تھا۔ آبدوز ہنگور نے بھارتی جہاز کُکری کو 194ارکان سمیت ضرب کاری لگا کر سمندر بُرد کر دیا تھا۔ہنگور نے اپنے دوسرے حملے میں دوسرے بھارتی جنگی جہاز کِرپان کو بھی مفلوج کر کے رکھ دیا تھا۔ عالمی بحری معرکوں کی تاریخ میں دوسری عالمی جنگ کے بعد کسی بھی آبدوز کا بحری جہاز کو غرقاب کرنے کا یہ پہلا واقعہ تھا۔ یہ کارنامہ پاک بحریہ کی تاریخ کا سُنہرا باب اور پیشہ ورانہ مہارتوں کا منہ بولتا ثبوت ہے۔