سیالکوٹ (نامہ نگار) سیالکوٹ چیمبر آف کامرس اینڈ انڈسٹری اتحاد فاؤنڈرز گروپ کے امیدوار انتخابات میں بلا مقابلہ صدر، سینئر نائب صدر اور نائب صدر منتخب ہو گئے۔ اتحاد فاؤنڈرز گروپ کے ملک اشرف اعوان، خرم عظیم خان اور جلیل اسلم نے بالترتیب صدر، سینئر نائب صدر اور نائب صدر کیلئے کاغذات نامزدگی جمع کرائے۔ ان کے مقابلہ میں کسی اور امیدوار نے کاغذات جمع نہیں کروائے، جس پر ملک اشرف اعوان بلا مقابلہ صدر، خرم عظیم خان بلا مقابلہ سینئر نائب صدر اور جلیل اسلم بلا مقابلہ نائب صدر منتخب ہو گئے۔ بلامقابلہ منتخب ہونے پر اتحاد فاؤنڈرز گروپ کے ڈاکٹر نعمان ادریس بٹ، قیصر بیگ، چوہدری رضا منیر ، میاں خلیل اور دیگر نے انہیں پھولوں کے ہار پہنائے اور ایک دوسرے کو مٹھائیاں کھلائیں۔