کراچی(کامرس رپورٹر)یونائٹیڈ بزنس گروپ(یو بی جی)کی کورکمیٹی سندھ کا اہم ترین اجلاس کل بدھ کو شام5بجے یو بی جی سندھ کے چیئرمین خالدتواب کی رہائش گاہ پر منعقد ہوگا۔کورکمیٹی سندھ کے اجلاس میںمرکزی سیکریٹری جنرل زبیرطفیل یو بی جی اور بی ایم پی کے مابین الائنس کے حوالے سے گزشتہ دو اجلاس کی رپورٹ کمیٹی اراکین کے سامنے پیش کریں گے جبکہ ایجنڈے میں سب سے اہم بات ایف پی سی سی آئی میں2021کے الیکشن کے حوالے سے تبادلہ خیال کیا جائے گا ۔اجلاس میں سینیٹر عبدالحسیب خان،مرکزی ترجمان گلزار فیروز،مرزا اختیار بیگ، ایف پی سی سی آئی کے سابق سینئرنائب صدورمظہرعلی ناصر،عبدالرحیم جانو اور حنیف گوہر،نائب صدر طارق حلیم،عبدالسمیع خان،نوراحمدخان،حنیف گوہر،شاہین الیاس سروانہ،ممتاز شیخ،احمدچنائے،یحییٰ پولانی،سلیم بکیا،ارشد جمال اور دیگر رہنما شریک ہونگے۔اجلاس میں یو بی جی سندھ کے رہنمائوں کو فیڈریشن الیکشن کے سلسلے میں اہم ذمہ داریاں بھی سونپی جائیں گی۔