اوکاڑہ + رینالہ خورد (نامہ نگار + نمائندہ خصوصی) لاہور سے کراچی جانے والی ٹرین تلے آ کر دو خواتین جاں بحق ہو گئیں۔ دونوں خواتین ریلوے ٹریک عبورکر رہی تھی کہ اچانک ٹرین آگئی۔ ریسکیو 1122ذرائع کے مطابق قصبہ حویلی لکھاکی رہائشی دوخواتین 55 سالہ نوراں بی بی  اور 60 سالہ وزیراں بی بی سب ٹاؤن رینالہ خورد میں اپنے قریبی عزیز رشتے دار محمد عباس کے گھر مہمان آئی ہوئی تھیں۔ گزشتہ روز دونوں خواتین بستی رحیم بخش رینالہ خوردکے قریب سے ریلوے ٹریک عبورکررہی تھیںکہ اچانک لاہور سے کراچی جانے والی خیبر میل ایکسپریس ٹرین آگئی۔