گوجرانوالہ(نمائندہ خصوصی) آئرن سٹیل شیٹ ایسوسی ایشن گوندلانوالہ اور راجکوٹ مارکیٹ نے شاہد محمود بٹ کی قیادت میں فائونڈر اتحاد گولڈن گروپ کی حمایت کا اعلان کر دیا ، آئرن سٹیل شیٹ ایسوسی ایشن کے رہنمائوں رمیض ناگی ، ضیاء ناگی ، فیصل بھٹی ، ناصر بھٹی ، چوہدری یسین ، چوہدری اختر ، شعیب اختر ، شہزاد اختر ، عمران یوسف ، عدنان یوسف ، سہیل زبیر ، شہزاد زبیر اور عبداللہ بٹ سمیت دیگران نے شاہد محمود بٹ کی قیادت میں ملنے والے فائونڈر اتحاد گولڈن گروپ کے وفد سے ملاقات کے موقع پر فائونڈر اتحاد گولڈن گروپ کی حمایت کا اعلان کیا دریں اثناء فائونڈرزاتحاد گولڈن گروپ کے قائدین محمودالحسن صدیقی، سلیم یونس انصاری، قمردلبرانصاری اور چوہدری نعیم گل نے بیان میں کہاکہ مخالفین کا چیمبر میں کھیل ختم ہوچکا ہے، چیمبر کو اپنی فیکٹری اور بزنس کمیونٹی کو ذاتی ملازمین تصور کرنے والوں کا یوم احتساب آچکاہے، کاروباری برادری ووٹ کی طاقت سے انہیں عبرت کا نشان بنائے گی، یونٹی ون یونٹی نے جس طریقہ سے چیمبر کو ذاتی مقاصد کے لیے استعمال کیا، چند لوگوں کی خاطر ادارہ کی اقدار کو دا پر لگایا گیا، محکموں کو بلیک میل کرنے سے لے کر اراکین چیمبر کی کردار کشی ہوئی، حق سچ کی آواز کو دبایا گیا، ان سب اعمال کے جواب دینے کا وقت آچکا۔ الیکشن واضح برتری حاصل کریں گے۔