ایمن آباد (نامہ نگار) یونیسکو اور ورلڈ بینک کے تعاون سے پنجاب ٹورازم منصوبہ گوردوارہ روڑی صاحب کے سلسلہ میں بیکن ہائوس یونیورسٹی کے زیراہتمام وائٹ ہائوس ایمن آباد میں منعقدہ تین روزہ سیمنار ختم ہوگیا۔ جس میں یونیسکو کے تیمور خان اسسٹنٹ ڈائریکٹر آرٹ کونسل گوجرانوالہ شمسہ پنجاب لاہور آرٹ کونسل اورصحافیوںکے علاوہ معزز مرد، خواتین اور بچوں نے شرکت کی۔ ہیڈ پراجیکٹ آفیسر کرن خان، ڈائریکٹر افہیم یعقوب خان، روبا خاں پاکیزہ ، ایمن فاطمہ ، عمرامام، صائمہ سردار افضل خاں اور یونیسکو کی آفیسر آمنہ نے لیکچرز کے دوران کہا کہ منصوبہ سے ورثہ کی حفاظت کے علاوہ بیرون ممالک اور اندرون ملک سے آنے والے سکھوں اور دیگر سیاحوں سے میل ، جول ، کلچر اور ثقافت کا تبادلہ بھی ہوگا۔ آخر میں تربیت حاصل کرنے والوں میں نقدی کے علاوہ سرٹیفکیٹ بھی تقسیم کئے۔