ویرات کوہلی کو ٹی20 میں چھکوں  کی سنچری کیلئے مزید 2 درکار

لاہور(اسپورٹس رپورٹر)بھارت کے تجربہ کار کھلاڑی ویرات کوہلی کو ٹی ٹونٹی فارمیٹ میں چھکوں کی سنچری مکمل کرنے کیلئے مزید دو چھکے درکار ہیں،ویرات کوہلی یہ کارنامہ سرانجام دے کر چھکوں کی عالمی فہرست میں دسویں نمبر پر آسکتے ہیں۔ویرات کوہلی افغانستان کے خلاف میچ میں چھکوں کی سنچری مکمل کرسکتے ہیں۔
واضح رہے کہ ٹی20 میں سب سے زیادہ 172 چھکے نیوزی لینڈ کے مارٹن گپٹل نے لگا رکھے ہیں جبکہ 171 چھکوں کے ساتھ بھارتی کپتان روہت شرما دوسرے اور 124 چھکوں کے ساتھ ویسٹ انڈیز کے کرس گیل تیسرے نمبر پر ہیں۔