الحمد غلہ منڈی جدید ترین سہولیات سے آراستہ ہو گی : عرفان الحسن بھٹی 

سانگلہ ہل(نمائندہ خصوصی)پنڈی بھٹیاں میں زیر تعمیر جدید ترین طرز تعمیر کی الحمد غلہ منڈی پتن روڈ کا مسلم لیگ ن یوتھ ونگ کے ضلعی صدر میاں عرفان الحسن بھٹی سابق امیدوار صوبائی اسمبلی نے دورہ کیا۔ تیزی سے جاری ترقیاتی کاموں کا جائزہ اور 10 ستمبر کو افتتاحی تقریب کے حتمی انتظامات پر مینیجنگ ڈائریکٹرز میاں احتشام الحسن بھٹی ‘ چوہدری ناصر جان آرائیں اور پنجاب کی معرو ف کاروباری شخصیت چوہدری اویس آرائیں سے ملاقات کی ۔ عرفان الحسن بھٹی نے کہا کہ الحمد غلہ منڈی کے قیام سے ضلع حافظ آباد اور پنجاب میں زرعی اجناس کے کاروبار میں انقلاب آئے گا ۔ الحمد غلہ منڈی جدید ترین سہولیات سے آراستہ منڈی ہو گی ۔ جس میں کسان سہولت مرکز کا قیام اور مارکیٹنگ کی جدید ترین سہولیات مہیا کی جائیں گی ۔