قلعہ دیدار سنگھ(نمائندہ خصوصی)علی پور چٹھہ میں دو متحارب گروپ کی فائرنگ  سے 35سالہ راہگیر قتل تفصیلات کے مطابق گزشتہ رات سٹی علی پورچٹھہ کے معروف مدینہ چوک کے قریب دومتحارب گروپ کے افراد محمد شہزاد عرف شازی بٹ،غلام عباس عرف میلا،محمد اظہر،محمد عرفان، اعظم عرف اجی آتشین اسلحہ سے لیس آپس میں لڑ رہے تھے کہ اسی اثنا میں نواحی ڈوگراں والا کا رہائشی امتیاز احمد گوندل اپنے بہنوئی امتیاز ولد غلام رسول کے ہمراہ منڈی بہائوالدین سے براستہ ڈوگراں واپس گھر جارہے تھے کہ جب مقام بالا پر پہنچے تو متحارب گروپوں نے ایک دوسرے پر اندھا دھند فائرنگ کر دی جس کے نتیجہ میں 35 سالہ مسافر امتیازغلام رسول کوفائرسر پر جا لگا جس سے وہ خون میں لت پت ہوکر زمین پر گر پڑا اور زخموں کی تاب نہ لاتے ہوئے موقع پر ہی جاںبحق ہو گیا۔ ملزمان ہوائی  فائرنگ کرتے ہوئے جائے وقوعہ سے فرار ہوگئے ہیں۔
پولیس تھانہ علی پورچٹھہ نے امتیاز گوندل کی مدعیت میں مقدمہ درج کر لیا ہے۔نعش کو پوسٹ مارٹم کے بعد لواحقین کے حوالے کردیا گیا ۔