ورلڈ یوتھ سکریبل چیمپئن شپ‘6پاکستانی کھلاڑی پہلے روز کامیاب 

لاہور(سپورٹس رپورٹر ) ورلڈ یوتھ سکریبل چیمپئن شپ کے پہلے روز پاکستانی کھلاڑی چھائے رہے، ٹاپ 10 میں 6 پاکستانی کھلاڑی شامل ہیں۔ 12سالہ احمد سلمان تمام 8گیمز جیت کر پہلی پوزیشن پر ہیں، احمد سلمان ایونٹ میں شریک تمام 138 کھلاڑیوں میں واحد ناقابل شکست پلیئر رہے ہیں۔ پاکستان کے 16 سالہ عفان سلمان 7 گیمز جیت کر دوسری پوزیشن پر براجمان ہیں۔ بھارت کے مادھو کامت نے تیسری پوزیشن پر قبضہ کر رکھا ہے، پاکستان کے احزم احمد 7 گیمز جیت کر چوتھے نمبر پر ہیں، بلال اشعر پانچویں، منال اشعر چھٹے اور محمد یادان 10 ویں نمبر پر ہیں۔ سائیڈ ٹورنامنٹ میں پاکستان کے وسیم کھتری ٹاپ پوزیشن پر ہیں، وسیم نے پہلے روز 7 میں سے 6 گیمز میں حریفوں کو مات دی۔دوسرے روز 9 گیمز کھیلے جائیں گے۔