لاہور(سپورٹس رپورٹر)پاکستان کی ٹیم 5ویں ورلڈ نومیڈ گیمز میں شرکت کیلئے تیار ہے جو 7-14 ستمبر 2024 تک جاری رہیں گی۔ افتتاحی تقریب آج آستانہ میں ہوگی، ملک سجاد حسین اعوان پاکستان کی ٹیم کے جھنڈا بردار ہوں گے۔ٹیم درج ذیل کھیلوں میں حصہ لے گی‘رسہ کشی ‘ماس ریسلنگ‘کوراش‘روایتی کشتی‘دماغی کھیل‘روایتی تیر اندازی‘پاورفل نومیڈ۔ٹیم کے سربراہ کے طور پر رانا محمد جمیل پاکستان ٹگ آف وار فیڈریشن کے جنرل سیکرٹری ٹیم کی قیادت کرینگے۔ ہر کھیل کیلئے نمائندے یہ ہیں‘ماس ریسلنگ محمد سعد‘رسہ کشی رانا محمد جمیل‘روایتی کشتی اور بیلٹ کشتی ملک سجاد حسین اعوان‘روایتی تیر اندازی صادق علی‘دماغی کھیل فہد سرور‘کوراش محمد اقبال مرتضی‘گھڑسواری اور گھوڑے پر تیر اندازی اورنگزیب مبشر‘پاورفل نومیڈ نعمان یوسف۔