لاہور)(سپورٹس رپورٹر) پاکستان جونیئر اتھلیٹکس ٹیم کو بھارت کے ویزے جاری کردیئے گئے۔قومی جونیئر اتھلیٹکس ٹیم کل نو ستمبر کی صبح لاہور سے براستہ واہگہ بارڈر بھارت روانہ ہوگی، 12 رکنی جونئیر اتھلیٹکس ٹیم لاہور سے امرتسر بذریعہ بس سفر کریگی، ٹیم میں 11 مرد اور ایک خاتون اتھلیٹ شامل ہیں۔امرتسر سے قومی اتھلیٹکس ٹیم بذریعہ فلائیٹ چنائی جائیگی جہاں ساف جونیئر اتھلیٹکس چیمپئن شپ 11 سے 13 ستمبر تک ہوگی۔صدر اتھلیٹکس فیڈریشن کا کہنا ہے ٹیم اچھی تیاری کیساتھ بھارت جارہی ہے۔نوجوان اتھلیٹس سے بہتر کارکردگی کی امید ہے۔