انگلینڈ کرکٹ ٹیم کا دورہ پاکستان جیمز اینڈرسن بطور منٹور آئیں گے 

لاہور(سپورٹس رپورٹر)انگلینڈ کرکٹ ٹیم کے سابق فاسٹ باؤلر جیمز اینڈرسن دورہ پاکستان میں ٹیم کے ہمراہ ہوں گے، جیمز اینڈرسن انگلینڈ ٹیم کیساتھ بطور فاسٹ بائولر مینٹور کے کام جاری رکھیں گے۔جیمز اینڈرسن نے رواں برس جولائی میں انٹرنیشنل کرکٹ سے ریٹائرمنٹ کا اعلان کیا تھا۔ انگلینڈ کرکٹ ٹیم نے اکتوبر میں تین ٹیسٹ میچز کی سیریز کھیلنے کیلئے پاکستان کا دورہ کرنا ہے۔جیمز اینڈرسن کا کہنا ہے کہ اس وقت تک تو مجھے ٹیم کیساتھ پاکستان جانا ہے۔ دورہ نیوزی لینڈ میں بھی ٹیم کیساتھ ہوں گا، اس کے بعد کچھ یقین سے نہیں کہہ سکتا۔