فیروز والہ :ڈکیتی کی متعدد وارداتیں‘ ڈاکوئوں کے سروں پر پولیس کی ٹوپیاں 

فیروزوالہ(  نامہ نگار) کوٹ عبدالمالک کے قریب ڈکیتی کی واردات کے دوران مزاحمت پر ڈاکووں نے گولی مارکر نوجوان صدام کو شدید زخمی کر دیا۔تھانہ صدر کے علاقہ مکتہ روڈپر تین ڈاکو موٹر سائیکل سوار باپ بیٹے سے نقدی اور موبائل چھین کر فرار ہوگئے۔ شیخوپورہ سے نوشہرہ ورکاں اپنے گھر جارہے تھے کہ راستے میں ڈاکووں کے ہتھے چڑھ گئے۔کوٹ عبدالمالک میں ڈاکو سٹور میں داخل ہو کر مالک ناصر کو جان سے مار دینے کی دھمکی دیکر ساڑھے تین لاکھ روپے‘ قیمتی سامان اور موبائل چھین کر لے گئے۔میاں کالونی ڈوگر چوک میں ڈاکو موبائل سنٹر کی دکان میں داخل ہو کر مالک زاہد محمود کو جان سے مار دینے کی دھمکی دے کر تقریبا چار لاکھ روپے اور دو موبائل چھین کرلے گئے۔ کوٹ عبدالمالک میں پولیس ٹوپی پہنے ہوئے 4 ڈاکو بینک سے رقم لے کر آنیوالے شہری ندیم سے 2 لاکھ 3ہزار روپے کی رقم اور موبائل چھین فرار ہو گئے۔ کالا شاہ کاکو کے قریب ڈاکو  2 دوستوں سے تین موبائل نقدی چھین کر لے گئے۔