حافظ آباد:پولیس کاگیسٹ ہائوس پر چھاپہ، تین جوڑے گرفتار 

حافظ آباد(نمائندہ نوائے وقت) گوجرانوالہ روڈ پر واقع رائل گیسٹ ہائوس پر پولیس نے چھاپہ مار کر وہاں سے تین جوڑوں کو قابل اعتراض حالت میں گرفتار کرکے مینجر اور مالک سمیت 8ملزمان کے خلاف مقدمہ درج کرلیا۔ تفصیلات کے مطابق پولیس کو مخبری ہوئی کہ گوجرانوالہ روڈ میں واقع رائل گیسٹ ہائوس میں قحبہ خانہ چلا یا جارہا ہے جس پر پولیس نے وہاںپر چھاپہ مار کر مختلف کمروں سے ندیم ہمراہ ماریہ ارشد ، عمیربابر ہمراہ ثناء امجد ، ملک آفاق عابد وہمراہ صباء کو برہنہ حالت میں گرفتارکرلیا اور مینجر خاور حسین جو کہ باہر پہرادے رہا تھا اسے بھی حراست میں لے لیا۔ جس نے بتایا کہ قحبہ خانہ کی رقم پانچ ہزار فی جوڑا ،جو اس نے وصول کی تھی، وہ گیسٹ ہائوس کا مالک ہمایوں وصول کرکے گھر چلا گیا ہے۔جس پر پولیس نے مینجر اور مالک ہمایوں سمیت آٹھ ملزمان کے خلاف مقدمہ درج کرلیا۔