نواز شریف کی سیاست کا وژن صرف پاکستان کی ترقی ، خوشحالی ہے:سیف الملوک  

لاہور(نیوز رپورٹر) پاکستان مسلم لیگ ن لاہور کے صدر ورکن قومی اسمبلی ملک سیف الملوک کھوکھر ایڈیشنل سیکرٹری اطلاعات عامر خان نگہت شیخ صبغت اللہ سلطان سید توصیف شاہ سمیت دیگر نے کہا عقیدہ ختم نبوت تمام مسلمانوں کے ایمان کی اساس ہے۔ پاک فضائیہ نے 1965میں وطن عزیز کے دفاع کیلئے اللہ تعالیٰ کے فضل سے ناقابل تسخیر کارنامہ انجام دیا۔ پی ٹی آئی کا سیاسی یتیموں کا ٹولہ از خود ہی خیالی پلاؤ بنا رہا ہے جو شخص اپنے محسنوں کو میر جعفر کے القابات دیتا ہو اس پر کوئی بھی اعتماد کرنے کو تیار نہیں۔ ان خیالات کا اظہار انہوں نے پارٹی رہنماوں سے ملاقات کے دوران گفتگو کرتے ہوئے کیا۔ انہوں نے کہا نواز شریف کی سیاست، ویژن اور مشن صرف پاکستان کی ترقی اور خوشحالی ہے۔ نواز شریف اور شہباز شریف کی سیاست آپ جیسے نو مولود بونے سمجھنے سے قاصر ہیں۔ انکا کہنا تھا خیبر پختون خواہ میں کرپشن اور اقرباء پروری کیخلاف آوازیں تحریک انصاف کے اندر سے اٹھ رہی ہیںجو فنڈز کے پی کے عوام پر خرچ ہونے ہیں۔ وہ ریوڑیوں کی طرح آپس میں بانٹے جا رہے ہیں۔