سب سے زیادہ فنڈ زسندھ کو دیئے پھر بھی شکوہ کر رہا ‘ وزارت خزانہ 

اسلام آباد (نمائندہ خصوصی)وزارت خزانہ نے ترقیاتی فنڈز کے اجراء پر سندھ حکومت کے خط کا جواب دے دیا۔وفاق اور سندھ کے درمیان ترقیاتی فنڈز کے اجراکے معاملے پر خط و کتابت تیز ہوگئی ہے۔ذرائع وزارت خزانہ کے مطابق وزارت خزانہ نے کہا کہ سندھ سمیت تمام صوبوں کو 9 ارب 97 کروڑ روپے ترقیاتی فنڈ جاری کیے ہیں۔ رواں مالی سال اب تک سب سے زیادہ فنڈ سندھ کو 5 ارب 58 کروڑ روپے دیے جبکہ سب سے کم ترقیاتی بجٹ خیبر پی کے  کو 39 کروڑ جاری کیے۔ذرائع کے مطابق بلوچستان کو 3 ارب روپے سے زائد، پنجاب کو 90 کروڑ روپے کے ترقیاتی فنڈ دیے، سندھ سب سے زیادہ ترقیاتی بجٹ ملنے کے باوجود شکوہ کر رہا ہے۔