پلاسٹک ، پرنٹنگ اورپیکجنگ کی نمائش تھری پی پاکستان کا افتتاح 

اسلام آباد(خبرنگار)فیکٹ ایگزیبیشنز (پرائیویٹ)لمیٹڈ کے زیر اہتمام پاکستان کی سب سے بڑی پلاسٹک ، پرنٹنگ اورپیکجنگ کی نمائش تھری پی پاکستان کا افتتاح کر دیا گیا تین روزہ نمائش 5سے 7ستمبر تک ایکسپوسینٹر میں جاری رہی نمائش کا افتتاح مہمان خصوصی کاشف انورصدر لاہور چیمبر آف کامرس اینڈ انڈسٹریز اور سلیم خان تنولی، سی ای او فیکٹ ایگزیبیشنز نے صنعت کے دیگر ماہرین کے ہمراہ کیااس موقع پرلاہور چیمبر آف کامرس اینڈ انڈسٹریز کے صدر کاشف انور نے کہا کہ فیکٹ ایگزیبیشنز نے تھری پی پلاس پرنٹ پیک پاکستان نمائش کا انعقاد کرکے ایک شاندار اقدام کیا ہے اوریہ پلیٹ فارم صنعت کاروں کو جدید ترین مشینری کا مظاہرہ کرنے کا ایک فائدہ مند موقع فراہم کرے گا انہوں نے کہا کہ تھری پی پاکستان جیسی نمائش جدت طرازی، کاروباری تبادلے اور بین الاقوامی تعلقات کو مزید بہتر بنانے میں اہم کردار ادا کرتی ہیں۔