6 ستمبر ہمارے فوجی جوانوں کی قربانی کی عظیم مثال ہے، اجمل بلوچ 

اسلام آباد (نمائندہ خصوصی)آل پاکستان انجمن تاجراں اور ٹریڈرز ایکشن کمیٹیاسلام آباد کے صدر اجمل بلوچ اور سیکرٹری اطلاعات خالد چو ہدری نے کہا ہے کہ پاکستان کے دفاع میں چھ ستمبر ہماری فوج کے جوانوں کی قربانی کی عظیم مثال ہے ملک بھر کی تاجر برادری شہدا 6 ستمبر کو سلام پیش کرتی ہے ۔ رات کے اندھیرے میں دشمن نے پاک سر زمین پر شب خون مارنے کا پروگرام بنایا تھا کہ صبح کے وقت لاہور پر قبضہ کر کے وہاں ناشتہ کریں گے۔ لیکن ان کی غلط فہمی اس وقت دور ہوگئی جب پاک فوج کے جوانوں نے بزدل دشمن کا ڈٹ کر مقابلہ کیا اور ان کو پسائی پر مجبور کر دیا ۔ دنیا کی تاریخ میں اتنی بڑی جانی قربانی دے کر ایس مثال قائم کردی، ٹینکوں کے آگے لیٹ کر بزدل دشمن کو شکست سے دو چار کیا ۔ عوام کا جذبہ اس وقت دیدنی تھا۔اس وقت قوم فوجی جوانوں کی جرات کو دیکھ کر پوری قوم فوجی جوانوں کے ساتھ کھڑی ہوگئی اور دشمن کو شکست فاش سے دوچار کیا۔اجمل بلوچ کا کہنا تھا کہ ایم ایم عالم نے اگلے دن ایک ہی اڑان میں ایک منٹ میں دشمن کے پانچ جہاز گرا کر پوری دنیا کو حیرت میں ڈال دیا۔