اسلام آباد(خبرنگارخصوصی)یوم دفاع کی مناسبت سے ملک بھر کی طرح اسلام آباد ماڈل کالج ایف سیون فور میں بھی رنگارنگ تقریب منعقد ہوئی۔ تقریب کا آغاز تلاوت کلام پاک سے ہوا جس کے بعد نعت رسول پیش کی گئی۔ کالج کی طالبات نے یوم دفاع کی مناسبت سے ٹیبلوز پیش کئے اور ملی نغموں پر بھی بچیوں نے قومی پرچم لہراتے ہوئے شاندار پرفارمنس دی۔ پاکستان کے رنگوں پر مشتمل لباس زیب تن کئے ہوئے طالبات نے ملی نغمے پیش کر کے حاضرین کے دل جیت لئے۔ تقریب کے آخر میں کالج کی پرنسپل ڈاکٹر سعدیہ عزیز نے یوم دفاع کی وجہ تسمیہ اور اہمیت پر روشنی ڈالی۔