اسلام آباد (خبرنگار خصوصی) رینجرز کیڈٹ کالج چکری راولپنڈی نے شاندار کامیابیوں کا تسلسل جاری رکھتے ہوئے راولپنڈی بورڈکے زیراہتمام انٹرمیڈیٹ کے امتحانات میں تیسری پوزیشن اپنے نام کر لی، ہونہار کیڈٹ منیب الرحمان ملک نے راولپنڈی بورڈ میں جنرل سائنس گروپ(آئی سی ایس)میں 1101 نمبر حاصل کر کے تیسری پوزیشن حاصل کی۔ کیڈٹ منیب الرحمان ملک نے اپنی اس شاندار کامیابی کو اپنے والدین کی دعاﺅں، اساتذہ کرام کی محنت اور رینجرز کیڈٹ کالج چکری کے پرنسپل بریگیڈیئر ندیم اختر حسین کی قیادت اور کالج میجمنٹ کی شبانہ روز محنت کا نتیجہ قرار دیا ہے۔ کالج ہذا کے پرنسپل نے منیب الرحمان ملک اور ان کے والدین کو اس کامیابی پر مبارکباد پیش کرتے ہوئے کیڈٹ کے شاندار مستقبل کی امیدظاہر کی ہے۔ واضح رہے کہ کیڈٹ منیب الرحمان ملک کی اس شاندار کامیابی پر رالپنڈی بورڈ کی جانب سے ایک شاندار تقریب کا انعقاد کیا گیا جہاں کیڈٹ کے والدین اور کالج پرنسپل کو خصوصی طور پر مدعو کیا گیا اور انہیں انعامات سے نواز گیا۔