رکاوٹیں ،سختیاں ہمارا کچھ نہیں بگاڑ سکتیں ،جلسہ ہو کر رہے گا،ملک حفیظ الرحمان ٹیپو

اسلام آباد ( نامہ نگار )آج سنگجانی میں پی ٹی آئی کا جلسہ تاریخی ہوگا اور ضرور ہوگا رکاوٹیں اور سختیاں ہمارا کچھ نہیں بگاڑ سکتیں موجودہ حکومت چند دنوں کی مہمان ہے قوم عمران خان کی بے تابی سے منتظر ہے جلسہ انشااللہ پرامن ہوگا کرپٹ اور نااہل ٹولے کو عوام پر مسلط کر دیا گیا آج کا جلسہ سابقہ تمام ریکارڈ توڑ دے گا ان خیالات کا اظہار مرکزی رہنما پاکستان تحریک انصاف اور امیدوار برائے چیئرمین یو سی 106 بڈھانہ کلاں ملک حفیظ الرحمان ٹیپو نے اپنے پبلک سیکرٹریٹ میں منعقدہ ایک مشاورتی اجلاس سے خطاب میں کیا اس موقع پر رہنما پاکستان تحریک انصاف خان بہادر خان حکیم خان سلیمان خیل امیدوار برائے وائس چیئرمین ملک عرفان و دیگر نے بھی خطاب کیا مشاورتی اجلاس میں پی ٹی ائی کے رہنماں کارکنان و عمائدین علاقہ نے کثیر تعداد میں شرکت کی ملک حفیظ الرحمان ٹیپو نے کہا کہ موجودہ حکمرانوں کا ٹولہ پی ٹی آئی کی بڑھتی ہوئی مقبولیت سے خائف ہے انہوں نے کہا کہ قوم عمران خان کی شدت اور بے تابی سے منتظر ہے عمران خان کی قیادت میں ملک ترقی اور خوشحالی کی راہ پر گامزن ہوگا ملک حفیظ الرحمان ٹیپو نے کہا کہ پی ٹی آئی کے کارکنان آج کے جلسے میں بھرپور شرکت کریں اور یہ ثابت کر دیں کہ وہ واقعی عمران خان سے حقیقی محبت کرتے ہیں ۔