گوجرخان ، شادی کی خوشیاں غم میں تبدیل ، ہوائی فائرنگ سے بچہ جان بحق ، بچی زخمی

گوجرخان (نامہ نگار)شادی کی خوشیاں غم میں تبدیل ہو گئیں تقریب میں ہوائی فائرنگ سے ایک بچہ جاں بحق ،ایک بچی شدید زخمی ۔ سی پی او راولپنڈی کا نوٹس دولہا اور اسکے والد سمیت آٹھ افراد گرفتار اسلحہ برآمد تفصیلات کے مطابق راولپنڈی سےڈھوک لس داخلی پھلیینہ انے والی بارات میں ہوائی فائر نگ سے ایک بچہ محمد عیسی ولد یاسر عمر دس سال ایک بچی نمرا شہزاد عمر سات سال فائر لگنے سے زخمی ہوگئے جنہیں ٹی ایچ کیو ہسپتال گجرخان بھجوایا گیا راستے میں محمد عیسی عمرآٹھ سال زخموں کی تاب نہ لاتے ہوئے چل بسا پولیس موقع پر پہنچ گئی۔ ڈھوک لس چوکی قاضیاں علاقہ تھانہ گوجر خان شادی کی تقریب بارات میں فائرنگ کے نتیجہ میں ایک بچے کی ہلاکت اور بچی کے زخمی ہونے کے واقعہ پر سی پی او راولپنڈی کا فوری نوٹس ایس او گوجر خان نے ڈی ایس پی کی زیر نگرانی و ایس پی کی ہدایت پر واقعہ میں ملوث دولہا مسمی محمد دانیال دولہے کے والد نصیر محمد اور ہوائی فائرنگ میں ملوث ملزمان محمد عمر، عبد الوہاب ، سبطین ، ارتضی ، فصیح اور محمد صہیب کو گرفتار کرکے مقدمہ درج کر لیا ملزمان کے قبضہ واقعہ میں استعمال ہونے والا پسٹل اور روند برآمد کرلیے گئے جنہیں مزید تفتیش کے لیے تھانہ گوجرخان منتقل کر دیا گیا جبکہ زخمی بچی کو شدید زخمی حالت میں راولپنڈی کے ہسپتال منتقل کر دیا گیا۔