لاہور (سپورٹس رپورٹر)پنجاب انٹرنیشنل سپورٹس فیسٹیول( فیز ون) کے سلسلہ میں پاکستان کے دورہ پر آئی انگلینڈ پاک الیون نے کومسیٹس یونیورسٹی کی ٹیم کو 6 رنز سے شکست دے دی۔ مہمان ٹیم اپنا تیسرا اور آخری میچ آج یونیورسٹی آف سنٹرل پنجاب کے خلاف کھیلے گی۔  مہمان ٹیم نے مقررہ 20 اوورز میں 6 وکٹوں کے نقصان پر 155 رنز بنائے ۔ انگلینڈ پاک الیون کی جانب سے وقاص نے 24، ذیشان نے 22 اور ارسلان یاسر نے 60 رنز کی باری کھیلی ۔  وقاص اسلم نے 3 کھلاڑی آؤٹ کیئے ۔ 155 رنز کے تعاقب میں کومسیٹس کی ٹیم مقررہ اوورز میں 9 وکٹوں کے نقصان پر 149 رنز بناسکی ۔ معیدپیرزادہ نے 22، ماجد مغل نے 26،شہزاد افتخار نے 24 اور راسب خان 45 رنز بنائے جبکہ انگلینڈ پاک الیون کی جانب سے نواز احمد 16 رنز کے عوض 3 کھلاڑی آؤٹ کرکے نمایاں بائولر رہے۔