کراچی (اسٹاف رپورٹر )آل پاکستان مسلم لیگ سندھ کا اجلاس کو حسینی ہائوس میں منعقد ہو ا اجلا س کی صدارت اے پی ایم ایل سندھ کے صدر سید شہاب الدین شاہ حسینی نے کی ۔اجلاس میں اے پی ایم ایل سندھ کے جنرل سیکرٹری شاہد قریشی ، طاہر حسین سید اور دیگر شریک ہوئے ۔اجلاس میں اے پی ایم ایل کی سندھ بھر میں تنظیمِ نو، سیاسی صورتِ حال ، عوامی رابطہ مہم اور دیگر پارٹی امور پر غور کیا گیااور اجلاس میں اس بات پر اتفاق کیا گیا کہ سندھ میں پارٹی کی تنظیم سازی کا عمل جلد سے جلد مکمل کیا جائے گا اور صوبے کے تمام اظلاع میں موجود یونین کمیٹیوں اور یونین کونسلو ں کی سطح پر اے پی ایم ایل کے دفاتر قائم کیئے جائیں گیاور پرویز مشرف کے پیغام سب سے پہلے پاکستان میں عام کیا جائے گا۔اجلاس سے خطاب کرتے ہوئے اے پی ایم ایل سندھ کے صدر سید شہاب الدین شاہ حسینی نے کہا کہ آل پاکستان مسلم لیگ اپنی الیکشن مہم کا آغاز مزارِقائد سے کرے گی جبکہ شاہد قریشی نے کہا کہ اے پی ایم ایل کراچی ،حیدرآباد اور اندرونِ سندھ سے تعلق رکھنے والے تمام کارکنان ۲۱ اپریل بروز جمعرات صبح گیارہ بجے مزارِ قائد پر حاضری دیں گے اور وہاں سے باقائدہ عوامی مہم کا آغاز کریں گے ۔