اسرائیلی فوج کی فلسطینی اسکول پر اندھا دھند آنسوگیس شیلنگ

 الخلیل( آن لائن )فلسطین کے مقبوضہ مغربی کنارے کے جنوبی شہر الخلیل میں اسرائیلی فوج نے ایک پرائمری اسکول پر آنسوگیس کی اندھا دھند شیلنگ کی جس کے نتیجے میں درجنوں طلبا اور اساتذہ زخمی ہوگئے۔ تفصیلات کے مطابق  اسکول کے پرنسپل عدنان دعنا نے کہا کہ اسرائیلی فوج نے اسکول میں بچوں پر آنسوگیس کی شیلنگ کی جس کے نتیجے میں درجنوں طلبا اور متعدد اساتذہ زخمی ہوگئے۔ان کا مزید کہنا تھا کہ اسکول کے تدریسی عملے اور طلبا کو شدید مشکلات کا سامنا کرنا پڑا اور متعدد طلبا دم گھنٹے سے بے ہوش ہوگئے۔ انہیں اسپتال منتقل کر دیا گیا ہے۔