الیاس اعوان کے تحریرکردہ ڈرامہ ’’ سزاء ‘‘ کی شوٹنگ جاری

اسلام آباد (نیوز ڈیسک) معروف ڈرامہ نگار اور افسانہ نگار محمد الیاس اعوان کے تحریرکردہ ڈرامے ’’ سزاء ‘‘ کی شوٹنگ پروڈیوسر اور ہدایت کار عمران احمد شیخ کی زیر نگرانی راولپنڈی اسلام آباد کے مختلف مقامات پر جاری ہے۔ اس کھیل میں دکھایا گیا ہے کہ جوکسی کا گھر جلاتا ہے اس کا اپنا گھر بھی محفوظ نہیں رہتا۔کاسٹ میں سائل بٹ، زمان ملک، علیزہ، محمد عمر، جھلک، محمد عثمان ابرار، جہانگیر مراد، فریال، زاہدہ چوہدری، فاروق چھوٹو، ایاز اعوان، اسد ریحان اور کئی دوسرے فنکار شامل ہیں۔ فاروق چھوٹو، سائل بٹ، زمان ملک اور جھلک کی اداکاری کو سب نے سراہا۔ عمران احمد شیخ اس سے قبل بھی متعددڈرامے اور کئی گانوں کی ویڈیوز بنا چکے ہیں۔ڈرامے کے ڈی پی او معروف کیمرہ مین قمر شاہ ہیں۔