ملتان (سپورٹس ڈیسک) ٹیسٹ کرکٹر عبداللہ شفیق کی والدہ نے اپنے بیٹے کی کارکردگی کے بارے میں کچھ خدشات کا اظہار کیا۔ پی ایس ایل 7 کی چیمپئن، لاہور قلندرز کی انتظامیہ نے پاکستان اور آسٹریلیا کے تاریخی ہوم ٹور کے اختتام کے بعد اپنے کپتان شاہین شاہ آفریدی کی سالگرہ منانے کے لیے تقریب کا اہتمام کیا۔ تقریب سے عبداللہ اور اس کی والدہ کی دلچسپ بات چیت قلندرز کے سوشل میڈیا پلیٹ فارمز پر پوسٹ کی گئی۔اس بات چیت میں عبداللہ کی والدہ نے بتایا کہ وہ ہمیشہ اپنے بیٹے سے کہتی ہیں کہ وہ ہر وقت چھکے اور چوکے نہ مارے۔ ٹیسٹ اوپنر کی والدہ نے کہا کہ ’میں ہمیشہ عبداللہ کو کہتی ہوں کہ زیادہ چوکے چھکے نہ مارا کرے ورنہ آؤٹ ہوجائیگا‘۔