شیخوپورہ+ قصور + واربرٹن (نمائندگان نوائے وقت+ نامہ نگار خصوصی+ نامہ نگار) متعدد وارداتوں میں کئی شہری لٹ گئے۔ عیسن روڈ پر 2موٹرسائیکل سوار ڈاکوؤں نے شیر فروش احمدشبیرکویرغمال بنالیا دوران ڈکیتی مزاحمت پر ڈاکوؤں نے گولی مار کر احمد شبیر کو زخمی کر دیا اور فرار ہو گئے ریسکیوشرقپور شریف نے زخمی کو ٹی ایچ کیوہسپتال منتقل کردیا، تھانہ صدر کے علاقہ حافظ آباد روڈ پر موٹرسائیکل سوار وں طیب اوراقصی بی بی کو رکنے کا اعشارہ کیا نہ رکنے پر کار سواروں نے فائرنگ کر کے دونوں کو شدید زخمی کردیا اورفرار ہوگئے زخمیوں کو ڈی ایچ کیوہسپتال منتقل کردیا گیا۔ ڈاکوؤں نے چاول ساز فیکٹری کی دیوار پھلانگ کر ملازمین کو یرغمال بناکر12لاکھ روپے چھین لئے اور دیوارگراکر چارسوکے وی کا ٹرانسفارمر بھی لے گئے۔ شہزاد نے تھانہ سرائے مغل میں اطلاع دی کہ ہلہ روڈ پڈھانہ سٹاپ کے مقام پر ڈاکوؤں نے 40 ہزار روپے چھین لئے۔فرحان نے پولیس تھانہ بی ڈویژن میں اطلاع دی کہ حاجی گگہ موڑ پر تین ڈاکوؤں نے نقدی اور موبائل چھین لیا۔ فیاض نے تھانہ سٹی پتوکی میں اطلاع دی کہ کہنہ روڈ کے مقام پر تین ڈاکوؤں نے 5 ہزار روپے اور موبائل چھین لیا۔ تھانہ واربرٹن کے مین گیٹ کے سامنے اکیڈمی کے باہر سے طالبعلم بشارت کھرل کی موٹر سائیکل چوری ہوگئی ،واربرٹن سے پنج احاطہ جاتے ہوئے زمیندار ریاست بھٹی کو تین ڈاکوؤں نے ایک لاکھ روپے سے محروم کر دیا قیمتی موبائل اور موٹر سائیکل چھین کر فرار ہوگئے ،مدینہ کالونی واربرٹن کے قمرالزمان کمبوہ کو روک کر تین ملزمان نے پچاس ہزار روپے ‘ موٹر سائیکل اور موبائل چھین لیا، نواحی گائوں گھونہ ٹبہ کے زمیندار ظفر الہ کھرل کی گائے چوری ہو گئی، سانگیانوالا میں زبیر کے آٹھ بکرے بکریاں چوری ہو گئیں تیس فٹا بازار واربرٹن سے نامعلوم ملزمان ساجد علی مغل کی گائے لے گئے ۔