کراچی (نیوز رپورٹر)  نیوکراچی صنعتی ایریا پولیس سے جعلی پولیس کا سامنا ہوگیا، پولیس وردی میں ملبوس افراد کی تلاشی لی گئی تو پتہ چلا تمام اہلکار جعلی ہیں۔ پولیس نے فوری طور پر تمام جعلی اہلکاروں کو گرفتارکرلیا بعد ازاں تحقیقات  کے دوران پتہ چلا تمام افراد ٹک ٹاکرز ہیں۔ پولیس کے مطابق تمام ملزمان پولیس کی وردی میں ٹک ٹاک بنانے نکلے تھے، ٹک ٹاکرز نے موٹرسائیکل پر سندھ پولیس کی نمبر پلیٹس بھی لگا رکھی تھیں۔  پولیس حکام نے انکشاف کیا کہ صرف وردیاں ہی نہیں گرفتار ملزمان کے قبضے سے جعلی پولیس کارڈ بھی برآمد ہوئے ہیں۔ علاوہ ازیں کراچی کے علاقے بلال کالونی میں پولیس نے کارروائی کر کے 2 ملزمان کو گرفتار کرلیا، ملزمان عادی مجرم ہیں اور پہلے بھی جیل جاچکے ہیں۔ پولیس کے مطابق ملزمان کی شناخت ساجد اورعبدالصمد کے ناموں سے ہوئی ہے، گرفتار ملزمان کے قبضے سے2پستول اور چھینا ہوا موبائل فون بھی برآمد ہوا ہے۔
 نیوکراچی