جسٹس فائز کیخلاف کیوریٹو ریویو واپس  لینے کی درخواست سماعت کیلئے مقرر  چیف جسٹس 10 اپریل کوسماعت کریں گے

اسلام آباد (نمائندہ خصوصی) وفاقی حکومت کی جسٹس قاضی فائز عیسیٰ کے خلاف کیوریٹو ریویو واپس لینے کی درخواست سماعت کے لیے مقرر ہو گئی۔ چیف جسٹس پاکستان عمر عطا بندیال، جسٹس قاضی فائز عیسیٰ کے خلاف کیوریٹو ریویو واپس لینے کی درخواست پر 10 اپریل کو ان چیمبر سماعت کریں گے۔یاد رہے کہ وفاقی حکومت نے جسٹس قاضی فائز عیسیٰ کے خلاف کیوریٹو ریویو واپس لینے کے لیے سپریم کورٹ سے رجوع کیا تھا۔صدارتی ریفرنس خارج ہونے کے بعد پاکستان تحریک انصاف کے دور میں جسٹس قاضی فائز عیسیٰ کے خلاف کیوریٹو ریویو دائر کیا گیا تھا۔ اس حوالے سے سابق وزیراعظم عمران خان نے بھی اعتراف کیا کہ جسٹس قاضی فائز عیسیٰ کے خلاف صدارتی ریفرنس دائر کرنا ہماری حکومت کی غلطی تھی۔
جسٹس فائز،ریویو