مسجد الحرام کے مزید دروازے کھول دیے گئے ،حرمین الشریفین انتظامیہ

مکہ مکرمہ (اے پی پی) سعودی عرب میں حرمین الشریفین انتظامیہ نے زائرین کیلیے مسجد الحرام کے مزید دروازے کھول دیے ہیں۔ سعودی خبررساں ادارے کے مطابق حرمین الشریفین انتظامیہ  کی جانب سے جاری بیان میں کہا گیا ہے کہ زائرین کی آمد ورفت کو آسان بنانے کے لیے زمینی منزل کے مصلوں تک پہنچانے والے  گیٹ نمبر87، 88، 89، 90 اور91، اجیاد پل گیٹ زینہ 91 کا دروازہ، زینہ 84 کا دروازہ، زینہ 74 کا دروازہ اور پہلی منزل اور چھت کے مصلوں سے منسلک الشبیکہ دروازہ کھولا گیا ہے۔