ڈسکہ (نامہ نگار/نمائندہ خصوصی) خاوند نے نشہ سے روکنے پر بیوی پر تیل ڈال کرآگ لگا دی۔ گزشتہ روز ڈسکہ کی خاتون کنیزہ نے اپنے خاوند حسنین کی جیب چیک کی تو اس میں سے چرس والا سگریٹ نکل،ا خاتون نے اپنے خاوند کو نشہ کرنے سے منع کیا تو وہ طیش میں آگیا اور اس نے اپنی بیوی پر تیل ڈال کر آگ لگا دی جس کے نتیجہ میں وہ بری طرح جھلس گئی جس کو طبی امداد کیلئے سول ہسپتال لایا گیا جہاں پر اس کی حالت تشویشناک ہونے پرگوجرانوالہ ریفر کر دیا گیا ہے، تاحال پولیس مصروف تفتیش ہے۔