اوکاڑہ (نامہ نگار) ٹریکٹر ٹرالی تلے دب کر 2مزدور بھائی جاں بحق ہوگئے۔ ٹریکٹر ٹرالی بے قابو ہو کر گہری کھائی میں جا گری تھی، بتایا گیا ہے کہ چک نمبر 24/1-A-L بلوچاں کے رہائشی 18سالہ محمد بلال اور 19سالہ محمد اشفاق جوکہ دونوں بھائی تھے اور گاڑیوں پر توڑی لوڈ کرنے کی مزدوری کرتے تھے۔ گذشتہ روز وہ ہیڈ سلیمانکی روڈ جمال کوٹ کے قریب ایک ٹریکٹر ٹرالی پرجا رہے تھے کہ اچانک ٹریکٹر ٹرالی ایک گہری کھائی میں گر گئی۔ دونوں مزدور بھائی ٹریکٹر ٹرالی کے نیچے دب کر جاں بحق ہوگئے۔ واقعہ کی اطلاع ملنے پر ریسکیو1122 نے نعشیں ہسپتال منتقل کر دی گئیں۔