لاہور(نامہ نگار)متعدد مقدمات میں ملوث ٹک ٹاکر ٹریننگ کالج چوہنگ میں مہمان خصوصی بن گیا۔ تفصیلات کے مطابق ٹک ٹاکر کاشف ضمیر کے خلاف فراڈ،دھوکہ دہی سمیت  متعدد مقدمات درج کئے جا چکے ہیں جبکہ ترک اداکار کیساتھ دھوکے پر بھی وہ گرفتارہوچکا ہے۔سابقہ ریکارڈ یافتہ ٹک ٹاکرکو چوہنگ پولیس ٹریننگ کالج میں بطور مہمان مدعو کیاگیا اور اسے پولیس کالج چوہنگ کے مختلف شعبوں کا دورہ بھی کرایا گیا جبکہ کاشف ضمیر نے پولیس اہلکاروں اور دفاتر کے اندر تصاویر بھی بنوائیں۔