لاہور (نیٹ نیوز) مسلم لیگ ن کے قائد محمد نواز شریف جاتی امرا میں عید الفطر کی نماز ادا کریں گے، وزیر اعظم شہباز شریف لاہور جبکہ صدر  زرداری عید الفطر نواب شاہ میں منائیں گے۔ وزیر داخلہ محسن نقوی لاہور، چئیرمین پیپلز پارٹی بلاول بھٹو زرداری لاڑکانہ گڑھی خدا بخش، چئیرمین پی ٹی آئی بیرسٹر گوہر خان بونیر اور اپوزیشن لیڈر عمر ایوب ہری پور میں نماز عید ادا کریں گے جبکہ پرویزخٹک نوشہرہ میں عید منائیں گے۔ کنوینئر ایم کیو ایم ڈاکٹر خالد مقبول صدیقی کراچی، قائد جے یو آئی مولانا فضل الرحمان ڈی آئی خان، چیئرمین سینٹ کے امیدوار یوسف رضا گیلانی ملتان، سپیکر قومی اسمبلی سردار ایاز صادق لاہور، ڈپٹی سپیکر قومی اسمبلی سید غلام مصطفیٰ شاہ آبائی شہر نواب شاہ میں نماز عید ادا کریں گے۔ وزیراعلیٰ پنجاب مریم نواز جاتی امرا میں جبکہ وزیراعلیٰ سندھ مراد علی شاہ سیہون میں نمازعید ادا کریں گے، وزیراعلیٰ خیبرپی کے  علی امین گنڈاپور ڈی آئی خان، وزیراعلیٰ بلوچستان سرفراز بگٹی کوئٹہ میں عیدالفطر منائیں گے۔حمزہ شہاز شریف ماڈل ٹاؤن لاہور، وزیر دفاع خواجہ آصف سیالکوٹ، وزیر خارجہ اسحاق ڈار لاہور، سابق چیئرمین سینیٹ صادق سنجرانی چاغی میں عید منائیں گے۔گورنر پنجاب بلیغ الرحمان لاہور، گورنر بلوچستان عبدالولی کاکڑ کوئٹہ، گورنر سندھ کامران ٹیسوری کراچی، گورنر خیبرپی کے غلام علی نماز عید گورنر ہاؤس پشاور میں ادا کریں گے۔سپیکر پنجاب اسمبلی احمد خان قصور، سپیکر سندھ اسمبلی اویس قادر شاہ سکھر، سپیکر کے پی اسمبلی بابر سلیم سواتی مانسہرہ، اپوزیشن لیڈر کے پی اسمبلی ڈاکٹر عباد الرحمان شانگلہ میں عید منائیں گے۔صدر آزاد کشمیر بیرسٹر سلطان میرپور، وزیر اعظم آزاد کشمیر انوار الحق بھمبرمیں عید الفطر کی نماز ادا کریں گے۔مسلم لیگ ن پنجاب کے صدر رانا ثنا  اللہ فیصل آباد، سنی اتحاد کونسل کے سربراہ صاحبزادہ حامد رضا فیصل آباد، سابق وزیر اعلیٰ اور بی این پی کے سربراہ اختر مینگل اپنے آبائی علاقے وڈھ میں عید الفطر منائیں گے۔سابق وزیراعلیٰ بلوچستان نواب اسلم رئیسانی اپنے آبائی علاقے مستونگ، سابق وزیر اعلیٰ بلوچستان نواب ثنا اللہ زہری خضدار ، سابق وفاقی وزیر سید خورشید شاہ، صوبائی وزیر ناصر حسین شاہ سکھر میں نماز عید ادا کریں گے۔