کراچی میں رات بارہ بجے سے اب تک مختلف علاقوں میں فائرنگ کی گئی ہے، کلفٹن دہلی کالونی میں پچیس سالہ نوجوان کو ہلاک کیا گیا ادھر بلدیہ کے علاقے میں واقع انیس ڈی صابری مسجد کے قریب موٹرسائیکل سواروں نے فائرنگ کی جس کے نتیجے میں ایک شخص ہلاک ہوا جس کی اب تک شناخت نہیں ہوسکی۔ کھارادر کتیانہ میمن کے قریب فائرنگ سے تیس سالہ ندیم ہلاک ہوگیا ادھر ریڈیو پاکستان کے قریب فائرنگ سے چھبیس سالہ نوجوان ہلاک ہوا جبکہ لیاقت آباد جھنڈا چوک کے قریب پچیس سالہ نوجوان عظیم کو فائرنگ کر کے ہلاک کردیا گیا، حب چوکی پر پینتیس سالہ میرجان کو گولیاں مار کر ہلاک کردیا گیا۔