”کاروبار دوست حکومت“ وفاقی وزیر تجارت کا تقرر نہ کر سکی

اسلام آباد(این این آئی) کاروبار دوست کی دعویدار حکومت اب تک وفاقی وزیر تجارت کا تقرر نہیں کر سکی‘ نئی حکومت نے اپنے قیام کے فوراً بعد معاشی ترجیح اور کاروباری دوست ہونے کے دعوے کئے تھے‘ لیکن تجارتی فروغ کیلئے حکومت کی سنجیدگی کا اندازہ اس بات سے لگایا جا سکتا ہے کہ اب تک ملک کے وفاقی وزیر تجارت کا اعلان نہیں کیا جا سکا۔ ٹیکسٹائل کا شعبہ جو ملکی معیشت کا اہم ستون ہے‘ اس سیکٹر کا کام بھی وزیر ٹیکسٹائل کے بغیر چلایا جا رہا ہے۔ وزیر ٹیکسٹائل کی عدم موجودگی میں واضح پالیسی نہ ہونے کے باعث ٹیکسٹائل ایکسپورٹرز کو مسائل درپیش ہیں اور اس سیکٹر کی برآمدات متاثر ہو رہی ہیں۔