کراچی (این این آئی) پولیس نے وسیم اکرم پر فائرنگ کرنیوالے شخص کی اصل گاڑی برآمد کرتے ہوئے ڈرائیور کو بھی گرفتار کرلیا۔ ڈی آئی جی کراچی شرقی ڈاکٹر منیر شیخ کے مطابق سی سی ٹی وی کیمروں کی فوٹیج، وسیم اکرم کی جانب سے دی گئی معلومات اور عینی شاہدین کے بیانات کی روشنی میں گزشتہ روز الطاف نامی شخص کو حراست میں لے لیا گیا جس کی نشاندہی پر واقعہ میں استعمال ہونیوالی گاڑی برآمد کر لی گئی جس کا رنگ سرمئی اوراسکا نمبر اے ای جے 061 ہے۔ واقعہ کے وقت الطاف گاڑی چلا رہا تھا جبکہ فائرنگ عامر بٹ نامی شخص نے کی ہے جس کی تلاش جاری ہے۔