اپردیر میں دہشت گردوں کے خلاف سیکیورٹی فورسزکے آپریشن کے دوران میجرسمیت4سکیورٹی اہلکار شہید جبکہ ایک بمبارنے خود کودھماکے سے اڑا دیا اور دوسرادہشت گردفائرنگ کے تبادلے میں ہلاک اورایک کو گرفتارکرلیا گیا۔پاک فوج کے شعبہ تعلقات عامہ(آئی ایس پی آر)کے مطابق منگل کی صبح اپردیرتیمرگرہ کے علاقے شیروٹ کئی میں فورسز کی جانب سے انٹیلی جنس بنیاد پرہشت گردوں کے ایک ٹھکا نے کے خلاف آپریشن کیا گیا، دہشت گردوں نے فورسزکو دیکھتے ہی فائرنگ شروع کردی جس کے نتیجے میں میجرعلی سلمان، حوالدارغلام نذیر، حوالدار اختر، سپاہی عبدالکریم شہید ہوگئے۔آئی ایس پی آر کے مطابق آپریشن کے دوران 2 خود کش بمباروں میں سے ایک نے خود کودھماکے سے اڑا دیا اور دوسرا فائرنگ میں مارا گیا جبکہ ایک دہشت گرد کو گرفتارکرلیا گیا۔