ہر بیماری اور آزمائش سے نجات کا واحد راستہ ذکر الٰہی ہے:امان اللہ مجاہد 

شیخوپورہ+ فاروق آباد(نمائندہ خصوصی)النور انٹرنیشنل ویلفیئر ٹرسٹ کے چیئرمین امان اللہ مجاہد نے کہا ہے کہ لاک ڈائون ختم ہونے کے بعد اب ہماری ذمہ داری ہے کہ ہم خدا اور رسول ؐ کے خوف سے اپنی زندگی گزارنے کا عہد کریں اسی میں ہماری دنیاوی وآخروی کامیابی کاراز مضمر ہے کثرت اعمال نے ہمیں خدا کی عبادت اور نبی کریم ؐ کی اطاعت سے دور کررکھا ہے اور اسی وجہ سے ہم نت نئے مسائل اور مشکلات سے دوچار ہیں تاجر حضرات کو چاہیے کہ وہ اذان کے ہوتے ہی اپنی دکانیں بند کرکے نماز کی ادائیگی کا اہتمام کریں۔ خدا کی طرف سے آنیوالی ہر بیماری اور آزمائش سے نجات کا واحد راستہ ذکر الٰہی ہے ۔