جنید عالم پاکستان جوڈو فیڈریشن کے صدر ‘منصور احمد سیکرٹری منتخب

لاہور (نمائندہ سپورٹس )کرنل (ر) جنید عالم اور منصور احمد پاکستان جوڈو فیڈریشن کے بالترتیب صدر اور سیکرٹری جنرل متفقہ طور پر2020-2024 ء کیلئے دوبارہ بلا مقابلہ منتخب ہوگئے۔ فہمیدہ بٹ خزانچی ہونگی۔  سینئر نائب صدر ڈاکٹر فرحان عبادت یار خان؛ نائب صدور مسعود احمد، ڈاکٹر بشیر احمداورآصف اقبال؛جوائنٹ سیکرٹری نور شاہ آفریدی اور ایسوسی ایٹ سیکرٹری محمد رفیق شامل ہیں۔ مجلس عاملہ کے ارکان میں لیفٹیننٹ کرنل محمد عابد مجید، صلاح الدین، ذوالفقار عباسی، مسز نعیمہ خان، مس عروج فاطمہ اور مس فاطمہ رحیم شامل ہیں۔ جنید عالم نے تمام ممبران کا شکریہ ادا کرتے ہوئے کہا کہ پاکستان جوڈو فیڈریشن پہلے کی طرح ملک میں جوڈو کے کھیل کی ترقی کے بھر پور اقدامات کرے گی۔کوئی بھی کھیل سرپرستی کے بغیر ترقی نہیں کر سکتا، حکومت بھی جوڈو کے کیلئے قدامات کرے۔
 اور سپانسر کرکٹ کی طرح دوسری کھیلوں پر بھی توجہ دے۔