یوروپا فٹ بال کپ کی کوارٹر فائنل لائن اپ مکمل

لندن (وائس آف ایشیا)یوروپا فٹ بال کپ کا کوارٹر فائنل مرحلہ 10 اگست سے شروع ہوگا، ٹورنامنٹ کی کوارٹر فائنل لائن اپ مکمل ہوگئی ہے، شخٹر ڈونیٹسک، باسل، مانچسٹر یونائیٹڈ، کوپن ہیگن، انٹر میلان، بایر لیورکوزن، وولور ہیمپٹن وانڈرس اور سیویلا کی ٹیمیں ٹاپ ایٹ رائونڈ میں پہنچ گئیں ہیں۔ یوروپا فٹ بال کپ کا 49 ویں ایڈیشن کوارٹر فائنل رائونڈ میں داخل ہوچکا ہے اور شختر ڈونیٹسک، باسل، مانچسٹر یونائیٹڈ، کوپن ہیگن، انٹر میلان، بایر لیورکوزن، وولور ہیمپٹن وانڈرس اور سیویلا کی ٹیمیں ٹاپ ایٹ رائونڈ میں پہنچ گئیں ہیں۔ٹاپ ایٹ مرحلے میں پہنچنے والی ٹیموں کے درمیان ٹورنامنٹ کا کوارٹر فائنل مرحلہ 10 اگست سے شروع ہوگا اور 11 اگست کو اختتام پذیر ہوگا۔10 اگست کو دو کوارٹر فائنل میچز کھیلے جائیں گے۔ پہلا کوارٹر فائنل میچ مانچسٹر یونائیٹڈ اور کوپن ہیگن کی ٹیموں کے درمیان کھیلا جائے گا جبکہ دوسرے کوارٹر فائنل میچ انٹر میلان اور بایر لیور کوزن کی ٹیمیں آمنے سامنے ہوںگی۔11 اگست کو تیسرے کوارٹر فائنل میچ میں شخٹر ڈونیٹسک اور باسل کی ٹیمیں پنجہ آزما ہوںگی جبکہ چوتھا اور آخری کوارٹر فائنل میچ وولور ہیمپٹن وانڈرس اور سیویلا کی ٹیموں کے درمیان کھیلا جائے گا۔ واضح رہے کہ ٹورنامنٹ پہلا سیمی فائنل میچ 16 اگست جبکہ دوسرا سیمی فائنل میچ 17 اگست کو کھیلا جائے گا۔ ٹورنامنٹ کے فاتح کا فیصلہ 21 اگست کو ہوگا۔