ارشد ندیم کو شنیرا اکرم کی شاباش

لاہور ( سپورٹس رپورٹر)سابق لیجنڈری کرکٹر وسیم اکرم کی اہلیہ و سماجی کارکن شنیرا اکرم نے کامن ویلتھ گیمز میں گولڈ میڈل جیتنے پر ارشد ندیم کو مبارکباد پیش کی ہے۔مائیکرو بلاگنگ سائٹ ٹوئٹر پر جاری کئے گئے پیغام میں انہوں نے کہا کہ ارشد ندیم کی ناقابل یقین کاوش نے پاکستان کیلئے گولڈ میڈل جیتا ہے۔شنیرا اکرم نے کہا کہ یہ ناصرف گولڈ میڈل ہے بلکہ ایک نیا ریکارڈ ہے۔اْنہوں نے ارشد ندیم سے مخاطب ہو کر یہ بھی کہا ہے کہ زبردست! بہت بہت مبارک ہو۔